ሐዊረ ሕይወት

ማኅበረ ቅዱሳን ካናዳ ማእከል የቶሮንቶ ንኡስ ማእከል ከሳውዝ ዌስት ኦንታሪዮ ንኡስ ማእከል ጋር በመተባበር ወደ ሐሚልተን ቅድስት ሥላሴ ቤተ ክርስቲያን የሐዊረ ሕይወት መርሐ ግብር አከናወኑ።

የሕይወት ጉዞው የተከናወነው ለወላጆች፣ለወጣቶችና፣ለሕጻናት የተለያዩ  መርሐ ግብራትን በማዘጋጀት ነው።
ለወላጆች የመዝሙር፣ የስብከተ ወንጌል፣የምክረ አበው መርሐ ግብራት የተከናወኑ ሲሆን።
በምክረ አበው መርሐ ግብሩ ላይ ሊቀ ጠበብት ማኅቶት የሻው፣ መጋቢ ሐዲስ አክሊለ ብርሃንና ቀሲስ ታደሰ  የተሳተፉ ሲሆን በዚህ መርሐ ግብር በዕቅበት እምነት፣ በሥርዓተ ቤተ ክርስቲያን ፣በልጆች አስተዳደግና በትዳር  ዙሪያ ምዕመናን ያነሷቸውን ጥያቄዎች በአግባቡ የመለሰ እንደነበር በጉዞው የተሳተፉ ምዕመናን ገልጸዋል::
ለወጣቶች መዝሙር፣ከኮፕቲክ(ግብፅ) ዲያቆናትን በመጋበዝ በእንግሊዝኛ የስብከተ ወንጌል መርሐ ግብር፣ወጣቶች ለቤተ ክርስቲያን የልምድ ልውውጥ እንዲሁም የጥያቄና መልስ መርሐ ግብራት ተከናውነዋል።
ለሕጻናትም የቤተ ክርስቲያን መዝሙራት እንዲዘምሩ በማድረግና በሚረዱት መልክ የጥያቄና መልስ መርሐ ግብራትም ተከናውነዋል።

በሐዊረ ሕይወት ጉባኤው የማኅበረ ቅዱሳን አመሠራረት ከዝዋይ ስልጠና ጀምሮ እስከአሁን ስላለው አገልግሎት ከማኅበሩ ምሥረታ ጀምሮ አባል በነበሩት በሊቀ ኅሩያን ቀሲስ አልዓዛር የልምድ ተሞክሮ የቀረበ ሲሆን  እንዲሁም በካናዳ ስላለው የማኅበረ ቅዱሳን   አገልግሎት በንኡሳን ማእከላቱ ገለጻ ተደርጓል።